नवनियुक्त उद्योगमन्त्री रिजाल बैशाख ३ गते गृहजिल्ला आउँदै

फाइल फोटो

वीरगन्ज ,३०चैत: संघीय सरकारका नवनियुक्त उद्योग ,वाणिज्य तथ आपूर्तिमन्त्री रमेश रिजाल मन्त्री भएपछि पहिलाे पटक गृह जिल्ला पर्सामा आगामी आईतबार आउने भएका छन् ।

दुई हप्ता पहिले मन्त्रीमा नियुक्त भएका रिजाल बैशाख ३ गते आईतबार गृह जिल्ला पर्सामा आउने कार्यक्रम तय भएकाे जगरनाथपुर गाँउपालिकाका अध्यक्ष एंव कांग्रेसका क्षेत्रीय सभापति श्रीकान्त यादवले सामाजिक सन्जाल मार्फत जानकारी दिएका छन् ।

मन्त्री भएपछि पहिलाे पटक गृह जिल्ला आउन लागेका नवनियुक्त उद्योगमन्त्री रिजाललाई सिमरा विमानस्थलमा स्वागत गर्न आइतबार बिहान ११:३० बजे पुग्न सम्पूर्ण नेता कार्यकर्ता र शुभचिन्तकहरुलाई यादवले आग्रह पनि गरेका छन् ।

यादवका अनुसार , नवनियुक्त मन्त्री रिजालकाे स्वागत तथा सम्मानमा आइतबार नै दिउँसो जगरनाथपुर गाउँपालिका वडा नम्बर ५ मसिहानीकाे धर्मपुर टाेल स्थित मन्त्री रिजालकाे निवासमा कार्यक्रम राखिएको छ ।गृह जिल्ला बसाईका क्रममा मन्त्री रिजाल जिल्लाका विभिन्न स्थानमा हुने कार्यक्रममा पनि सरिक हुने यादवले बताएका छन् ।

मन्त्री रिजाल , पर्साकाे निर्वाचन क्षेत्र नम्बर ४ बाट निर्वाचित प्रतिनिधि सभा सदस्य पनि हुन् ।

The post नवनियुक्त उद्योगमन्त्री रिजाल बैशाख ३ गते गृहजिल्ला आउँदै appeared first on Madhes Khabar.