बारामा ब्राउन सुगरसहित एक भारतीय पक्राउ

वीरगन्ज ,१४बैशाख : बाराकाे अमलेखगञ्जबाट प्रहरीले ठूलो परिमाणमा लागू ओैषध खैराे हेराेइनसहित एक भारतीय नागरिकलाई पक्राउ गरेकाे छ ।

प्रहरीले २ सय ग्राम खैराे हेराेइनसहित भारतकाे उत्तर प्रदेशकाे गाेरखपुरका ६० वर्षिय सन्ताेष त्रिपाठीलाई बिहीबार दिउँसो पक्राउ गरेकाे हाे ।

वीरगन्जबाट काठमाडौं जाँदै गरेकाे ना १ ज २०८६ नम्बरको टाटासुमाे प्रहरीले अमलेखगञ्जमा राेकेर चेकजाँच गरेकाे थियाे । त्यसक्रममा उक्त टाटासुमाेमा यात्रुका रुपमा सवार त्रिपाठीकाे शरीर खानतलासी गर्दा उनले दुवै खुट्टामा लुकाएर राखेकाे २/२ पाेका गरि ४ वटा पाेकामा रहेकाे २ सय ग्राम खैराे हेराेईन बरामद भएकाे बाराका प्रहरी उपरीक्षक हाेविन्द्र बाेगटीले जानकारी दिए ।

उक्त टाटासुमाे र त्यसका चालकलाई पनि प्रहरीले नियन्त्रणमा लिएको बाेगटीले बताए ।चालककाे नाम भने प्रहरीले सार्वजनिक गरेकाे छैन ।

खैराे हेराेइन सहित पक्राउ परेका त्रिपाठी र टाटासुमाेका चालकलाई प्रहरी हिरासतमा राखेर थप अनुसन्धान भइरहेकाे बाेगटीले जानकारी दिए ।

The post बारामा ब्राउन सुगरसहित एक भारतीय पक्राउ appeared first on Madhes Khabar.