बारा २ मा जनताले गठबन्धनको सिण्डिकेट तोड्छन् : एमाले उम्मेदवार पौडेल (अन्तरवार्ता)

बारा २ मा नेकपा एमालेका उम्मेदवार पुरुषोत्तम पौडेलसंग गरिएको संक्षित कुराकानी :

मत माग्दै जनताको घरदैलोमा पुग्दा आफनो पक्षमा माहोल कस्तो पाउनु भएको छ ?

अहिलेपनि म चुनावी प्रचारमै छु । चुनावी घरदैलोमा पुगिरहदा मैले के देखि रहेको छु भने जनता व्यापक रुपमा एमालेलाइ मतदान गर्ने मनस्थितीमा छन् । एमालेलाई जिताएर गठबन्धनका दलहरुले गरेका गलत कृयाकलापको भण्डाफोर गर्नुपर्छ निष्कर्षमा जनता पुगेका छन् । जनतालाई जतापनि लैजान सकिन्छ , जेपनि गर्न सकिन्छ भन्ने गठबन्धन दलहरुको मानसिकता र प्रवृतिलाइ जनताले तोड्न खोजेको मेले देखेको छु । यसले एमालेको जितलाइ निश्चित गरिरहेको छ ।

जनता माझ तपाईका चुनावी एजेन्डाहरु के के हुन् ?

एमाले र मेरो दुवैको चुनावी एजेन्डा शिक्षा , स्वास्थ्य , कृषि, सिंचाई , सुशासन नै हुन् । यसका साथै यसैक्षेत्रमा रहेको विश्वप्रसीद्ध धार्मिक पर्यटकीयस्थल गढीमाई मन्दिरको सौन्दर्यकरण र यस क्षेत्रका सडक पूर्वाधारलाई व्यवस्थित गर्ने पनि मेरो एजेन्डा हो ।

बारा २ को चुनावी मैदानमा मुख्य प्रतिस्पर्धा जसपाका उम्मेदवार उपेन्द्र यादव र जनमत पार्टीका उम्मेदवार शीवचन्द्र कुशवाहा बिच नै छ । एमाले त तेश्रो वा चौथो स्थानमा पो छ भन्ने चर्चा व्यापक छ त ?

मनको लड्डु घिउसंग खाने , जनताको बिचमा जान नसक्ने , जनताको भावना बुझन नसक्ने, जनतालाई गुमाराहमा राखेर सिण्डिकेटको राजनीति गर्न चाहनेहरुले यस्तो हौवा फैलाएका हुन् । एमाले तेश्रो वा चौथो हुने पार्टी हो र ? गत निर्वाचनमा देशभर गठबन्धनसंग एक्लै लडेर एमाले कुन स्थानमा आयो ? एमाले चुनावी मैदनमा आएपछि पहिलो हुने पार्टी हो । अहिले पनि पहिलो भएरै जित्छ । किनकि एमाले किसान, मजदुर, दलित, महिला, युवा सबैको पाटी हो । देशमा विकासको लहर ल्याएको पार्टी हो , त्यसकारण एमालेलाई दोश्रो , तेश्रो या चौथो हुने छुट नै छैन । पहिलो हुने पार्टी हो पहिलो भएर देखाउछ ।

यसको आधार के त ?
यसको आधार जनताको समर्थन । एमाले यो क्षेत्रमा पटक पटक विजयी भएको छ । एक्लै लडेर पनि जितेको छ । एमालेले कहिल्यै कुनै दलसंग गठबन्धन गरेन । एमाले बलियो संगठन भएको पार्टी हो । गत निर्वाचनमा पनि बारामा सामानुपतीकमा एमालेले नै सबैभन्दा बढि मत ल्याएको थियो । त्यसका कारण बारा २ मा यसपालि एमालेले जित्छ यसमा कुनै शंका छैन ।

तर विगतका तीन निर्वाचनमा त एमालेले जितेन नि ?

ती चुनावमा एमालेले उम्मेदवारी नै दिएन त । यद्यपि २०६४ देखि २०७९ सम्मको हरेक चुनावमा बारामा एमालेले समानुपातिकमा सबैभन्दा बढि भोट ल्याएको छ । यसका कारण अहिले हामी जित्दैछौ ।

चुनाव महंगिदै गएको छ , खर्चिलो र भड्किलो पनि बन्दै गएको छ । तपाईलाई कतिको गा्रहोसारो भएको छ ?

हामीले खर्च गर्न परेको छैन , जनता आफैले खर्च गरिरहेकाछन् , हामीले भोजभतेर पनि गरेका छैनौ , । अरुले खसी कुखुरा काटेर भोज भतेर गरिरेहका छन् , जनताले उनिहरुको भोजमा गएर मासु खाइदिन्छन् , बैशाख १० मा भने भोट सुर्यमा लाइदिन्छन् । हेर्नु होला एमाले भारी मतले जित्छ ।

बारा २ मा तपाईको मुख्य प्रतिस्पर्धा कोसंग हुन्छ ?
एमालेको मुख्य प्रतिस्पर्धा जसपाका उम्मेदवार उपेन्द्र यादवसंग हुन्छ । हामी भन्दा पछाडि उहाँ नै हिडिरहनु भएको छ तर उहा भन्दा हामी धेरै अगाडि हिडिरहेका छौ । राम्रो मतान्तरले एमालेले जित्छ ।

The post बारा २ मा जनताले गठबन्धनको सिण्डिकेट तोड्छन् : एमाले उम्मेदवार पौडेल (अन्तरवार्ता) appeared first on Madhes Khabar.