ठाकुरराम क्याम्पसमा आजगनी भएपछि स्ववियु निर्वाचन प्रकृया स्थगीत

मधेसखबर
वीरगन्ज ,२६फागुनः वीरगन्जको ठाकुरराम बहुमुखी क्याम्पसमा विधार्थीले आगजनी गरेपछि स्वतन्त्र विधार्थी युनियन (स्ववियु) निर्वाचन प्रकृया स्थगीत भएको छ ।

निर्वाचन समितिले फागुन २१ मा प्रकाशन गरेको मतदाता नामावलीको विषयलाई लिएर भएको विवादका क्रममा विधार्थीहरुले शुक्रबार क्याम्पसको विधार्थी कल्याण तथा खेलकुद शाखामा आजगनी गरेका हुन् । आगजनी पछि क्याम्पस प्रमुख डा. उमेश प्रसाद चौरसियाले एक सूचना प्रकाशन गरि यसअघि निर्धारित स्ववियु निर्वाचन प्रकृया स्थगीत गरेका हुन् ।

शुक्रबार क्याम्पसको सभाकक्षमा क्याम्पस प्रमुख , निर्वाचन अधिकृत र विधार्थी संगठनका नेताहरु बिच मतदाता नामावलीका विषयमा उत्पन्न विवादका बारे छलफल भइरहेका बेला केहि विधार्थीहरुले विधार्थी कल्याण तथा खेलकुद शाखामा पेट्रोल छर्केर आजगनी गरेका थिए । आजगजनीबाट शाखामा रहेका फर्निचरहरु जलेका छन् ।

आगजनीमा संलग्न रहेको आरोपमा प्रहरीले विधार्थी नेताहरु सुजित गिरि , मनिष चौहान र शीवम साह गरि ३ जनालाइ नियन्त्रणमा लिएको छ । उनिहरुलाई जिल्ला प्रहरी कार्यालय पर्सामा राखेर थप अनुसन्धान भइरहेको पर्साका प्रहरी प्रवक्ता प्रहरी नायब उपरीक्षक दिपक गिरिले जानकारी दिए ।

आजगजनीको घटनापछि शनिबारका लागि निर्धारति मनोनयन पत्र दर्ता कार्यक्रम सहित त्यसपपछिका निर्वाचन कार्यतालिका हालका लागि स्थगीत गरिएको निर्वाचन अधिकृत रोशन लामिछानेले जानकारी गराए ।

मतदाता नामावलीका विषयमा विधार्थी संगठनहरुले छानबिनका लागि राखेको मागलाई मध्यनजर गरि क्याम्पसका प्राध्यापक रघुनाथ प्रसाद चौरसियाको संयोजकत्वमा छानबिन समिति गठन गरिएको लामिछानेले बताए । उक्त समितिमा प्राध्यापक संघ , कर्मचारी संघ , लेखा शाखाका कर्मचारी , विधार्थी संघसंगठनका प्रतिनिधी र जिल्ला प्रशासन कार्यालयका प्रतिनिधीलाई समेत सदस्यका रुपमा राखिएको छ ।

निर्वाचन अधिकृत लामिछानेका अनुसार , उक्त समितिले ३ दिन भित्र (फागुन२९ गते भित्र) फागुन २१ मा प्रकाशीत मतदाता नामावलीको छानबिन गरि प्रतिवेदन बुझाउने छ । त्यसपछि उक्त प्रतिवेदनका आधारमा अन्तिम मतदाता नामावली प्रकाशीत गरि पुन अर्को निर्वाचन कार्यतालिका प्रकाशन गरिने लामिछानेले जानकारी दिए । उनले त्रिभुवन विश्व विद्यालयले निर्धारण गरेको चैत ५ मा हुने मतदान भने प्रभावित नहुने गरि आफुहरु अगाडि बढ्ने पनि प्रष्ट पारे ।

यसैबिच शुक्रबार नै विधार्थी कल्याण तथा खेलकुद शाखा प्रमुख रामविनय यादवले भने राजीनामा दिएका छन् । मतदाता नामावलीमा जानीजानी फर्जि विधार्थीको नाम समावेश गरेको आरोप लगाउर्दै विधार्थी संघसंगठनहरुले उनको राजीनामा मागेपछि उनले क्याम्पस प्रमुख चौरसियालाई राजीनामा पत्र बुझाएका हुन् ।

निर्वाचन समितिले फागुन २१ मा प्रकाशन गरेको मतदाता नामावलीमा १० हजार २३२ जना विधार्थीको नाम समावेश थियो । तर विधार्थी संघसंगठनहरुले उक्त नामावलीमा करिब ८ सय फर्जि विधार्थीको नाम समावेश गरिएको भन्दै शुक्रबार विवाद गरेका थिए । क्याम्पस प्रमुख , निर्वाचन अधिकृत र विधार्थी कल्याण शाखाका प्रमुखले आफु निकटका विधार्थी संगठनलाई जिताउने नियतले ८ सय फर्जि विधार्थीको नाम मतदाता नामावलीमा समावेश गरेको नेविसंघका क्याम्पस इकाई समिति सभापति मनोज कुमार साहले आरोप लगाए । त्यहि कारण आफुहरुले मतदाता नामावली बारे छानबिन गरि त्यसमा संलग्न दोषीलाई कारबाही गर्नु पर्ने माग राखेको उनले बताए ।

यता निर्वाचन अधिकृत लामिछानेले पनि फागुन २१ मा प्रकाशित मतदाता नामावलीमा प्राविधिक त्रुटी हुन पुगेको स्वीकारे । त्यहि कारण विधार्थी संगठनहरुको मागलाई ध्यानमा राखेर छानबिनका लागि क्याम्पस प्रशासनले छानबिन समिति गठन गरेको उनले प्रष्टिकरण दिए ।

The post ठाकुरराम क्याम्पसमा आजगनी भएपछि स्ववियु निर्वाचन प्रकृया स्थगीत appeared first on Madhes Khabar.