वीरगन्जमा टिपरले चुडाँलेको बिजुलीको तारले करेन्ट लाग्दा एक जनाको मृत्यु

मधेसखबर
वीरगन्ज, २१ कार्तिक : वीरगन्जमा टिपरले चुडाँलेको विजुलीको तार खसेर करेन्ट लाग्दा एक जनाको मृत्यु भएको छ । करेन्ट लागेर अर्का एक जना घाइते भएका छन् ।

करेन्ट लागेर मृत्यु हुनेमा पर्साकै बहुदरमाई नगरपालिका वडा नम्बर ४ बहुअरी पिडारी घर भएका ४५ वर्षिय नागेन्द्र प्रसाद यादव रहेका छन् । करेन्ट लागेर घाइते भएका वीरगन्ज ममहानगरपालिका वडा नम्बर ३२ चोर्नीका १९ वर्षिय सिकेन्द्र प्रसाद यादवको नारायणी अस्पतालमा उपचार भइरहेको छ ।

प्रहरीका अनुसार , सोमबार बिहान १० बजेतिर वीरगन्ज २२ ड्राईपोट्र–परवानिपुर सडकखण्ड स्थित जगरनाथपुर क्वालिटी धर्मकाटा छेउमा ना ८ ख ३८४९ नम्बको टिपरले माटो खसालेर ब्याक गर्ने क्रममा विद्युतको तार चुडिएर ना ४६ प ५५४२ नम्बरको मोटरसाइकलमा खसेको थियो ।
त्यसक्रममा करेन्ट लागेर मोटरसाइकल चालक नागेन्द्र र त्यसमा सवार सिकेन्द्र घाइते भएका थिए । दुवै जनालाई उपचारका लागि नारायणी अस्पताल लैजाने क्रममा नागेन्द्रको बाटोमा नै मृत्यु भएको हो । टिपरका चालक फरार भएकाले उनको खोजी भइरहेको पर्साका प्रहरी प्रवक्ता प्रहरी नायव उपरिक्षक दिपक गिरीले जानकारी दिए ।

 

The post वीरगन्जमा टिपरले चुडाँलेको बिजुलीको तारले करेन्ट लाग्दा एक जनाको मृत्यु appeared first on Madhes Khabar.