वीरगन्जमा करेन्ट लागेर दुई मजदुरको मृत्यु

सांकेतिक फोटो

मधेसखबर
वीरगन्ज ,२५ असोज : वीरगन्जमा विद्युतको करेन्ट लागेर दुइ मजदुरको मृत्यु भएको छ ।मृत्यु हुनेमा पर्साको धोबिनी गाँउपालिका वडा नम्बर ३ हरिहरपुरका ३० बर्षिय सैफुल्लाह अन्सारी र वीरगन्ज महानगरपालिका वडा नम्बर ९ रानीघाटका ६० बर्षिय ध्रुब प्रसाद साह रहेका छन् ।

वीरगन्ज २६ मा स्थानीय रामकिशोर प्रसाद कुर्मीको घरको दोश्रो तल्लाको छत प्लाष्टर गर्ने क्रममा छेउकै विद्युतको पोलको तारमा छोइएर करेन्ट लाग्दा अन्सारीको मृत्यु भएको हो ।

यस्तै वीरगन्ज ८ बसपार्क स्थित स्थानीय सत्रुधन सर्राफको घरको छाना सरसफाइ गर्ने क्रममा करेन्ट लागेर साह गम्भिर घाइते भएका थिए । घाइते साहलाइ उपचारका लागि आशाराम अस्पतालमा लगिएकोमा चिकित्सकले मृत घोषित गरेको पर्साका प्रहरी उपरिक्षक रमेश बस्नेतले बताए ।दुवै घटनाको अनुसन्धान भइरहेको प्रहरी उपरिक्षक बस्नेतले जानकारी दिए ।

The post वीरगन्जमा करेन्ट लागेर दुई मजदुरको मृत्यु appeared first on Madhes Khabar.