मधेसखबर
वीरगन्ज,२२ असोज : जनता समाजवादी पार्टी (जसपा) ले गठबन्धन छाडेर प्रतिपक्षी दल नेकपा एमालेसँग चुनावी तालमेल गरेपछि सरकारमा सहभागी मन्त्रीहरूका बारेमा आइतबार मनोनयन दर्तापछि निर्णय लिने भएको छ ।
सरकारमा सहभागी आफना पार्टीका चार जना मन्त्रीहरु निरन्तर पदमा रहने कि सरकारबाट बाहिरिने भन्ने विषयमा मनोनयन दर्ता पछि निर्णय लिने जसपाले जनाएको छ ।
संघीय सरकारमा अहिले जसपाबाट वन तथा वातावरणमन्त्री प्रदीप यादव ,भौतिक पूर्वाधार तथा यातायामन्त्री मोहम्मद इश्तियाक राई, कृषि तथा पशुपन्छी विकासमन्त्री मृगेन्द्रकुमार सिंह यादव र संघीय मामिला तथा सामान्य प्रशासनमन्त्री राजेन्द्र श्रेष्ठ छन् ।
जसपाबाट सरकारमा सहभागी मन्त्रीहरूले पार्टीले उम्मेदवारी मनोनयनपछि सरकारमा सहभागिताबारे निर्णय हुने जानकारी दिएका छन् ।
मन्त्री यादवले पार्टीले लिने निर्णय अनुसार नै आफुहरु अगाडि बढ्ने बताए । यादवले यस विषयमा अहिलेसम्म पार्टीमा छलफल नभएको बताए ।
यादवले भने ,‘ पार्टीले फिर्ता बोलायो भने राजीनामा दिन्छौ तर अहिलेसम्म सरकारमा सहभागिताक बारे अध्यक्ष उपेन्द्र यादवले केही भन्नुभएको छैन ।
उनले भने ,‘ चुनावी सरकार भएकाले मन्त्रीहरू थप्न नमिल्ने भएकाले सरकारमा नै सहभागी भइरहने कि बाहिरिने भन्ने निष्कर्षमा पुगिएको छैन , यो चुनावी सरकार हो , त्यसैले मन्त्री थप्न वा हेरफेर गर्न मिल्दैन , तैपनि अब पार्टीले जे निर्णय गर्छ त्यही हुन्छ ।
The post सरकारमा सहभागी मन्त्रीहरु बारे जसपाले उम्मेदवारी दर्तापछि निर्णय गर्ने appeared first on Madhes Khabar.