मधेसखबर
वीरगन्ज,२२ भदौं : जनता समाजवादी पार्टी (जसपा) का राष्ट्रिय अध्यक्ष उपेन्द्र यादवले गठबन्धनमा उपेक्षा गरिए जसपा एक्लै चुनाव लड्न तयार रहेको बताएका छन् ।
वीरगन्जमा बुधबार जसपाको अगुवा कार्यकर्ता भेलालाइ सम्बोधन गर्दै अध्यक्ष यादवले भने ,‘ गठबन्धनको बैठकमा सिट बाडफाडको छलफल हुदा जसपालाइ उपेक्षा गरिएको जस्तो महशुस हुन्छ , यदि साच्चै उपेक्षा गरियो भने जसपा एक्लै चुनाव लड्न तयार छ ।यादवले जसपाको हैसियत अनुसार सिट बाडफाँड नगरिए एक्लै चुनाव लड्ने उद्घोष गर्दै त्यहि अनुसारको तयारीमा लाग्न नेता कार्यकर्तालाइ निर्देशन पनि दिए ।
आफुहरु गठबन्धनको विरोधी नभएको प्रस्ट्याउदै उनले अहिलेको गठबन्धनलाइ निरन्तरता दिनु पर्ने आजको आवश्यकता भएको बताए । उनले भने ,‘ प्रतिगमनकारी शक्तिहरु फेरि पनि सल्बलाउन खोजी रहेका छन् , त्यसैले उनिहरुले फेरि टाउको नउठाउन भनेर अहिलेको गठबन्धनलाइ निरन्तरता दिनु आजको आवश्यकता हो ।
अध्यक्ष यादवले आगामी निर्वाचनमा संघीयता र गणतन्त्र विरोधी प्रतिगमनकारी शक्तिलाइ जसरी भएपनि परास्त गर्नु पर्ने पनि बताए । त्यसका लागि पनि गठबन्धनलाइ निरन्तरता दिनु अहिलेको आवश्यकता भएको उनले बताए ।
आगामी निर्वाचनमा संघीयता र गणतन्त्रका पक्षधरहरु पराजित भए प्रतिगमनकारी शक्तिले संघीयता र लोकतन्त्रलाइ समाप्त पार्ने र मधेस फेरि गुलाम (नोकर) बन्ने खतरा रहेको यादवले बताए ।
संघीयता र गणतन्त्रको जननी मधेसी दल रहेको दाबी गर्दै उनले मधेस विद्रोहकै कारण मुलुकमा संघीयता र गणतन्त्र आएको बताए । यादवले भने,‘ मधेस विद्रोहकै कारण संघीयता र गणतन्त्र आएको हो , यदि मधेस विद्रोह नभएको भए यो देशमा न संघीयता आउथ्यो न गणतन्त्र नै ।त्यसैले संघीयता , गणतन्त्र लगायतका प्राप्त राजनीतिक उपलब्धीको रक्षा गर्ने मुख्य अभिारा जसपाकै भएको उनले बताए ।
जसपा पर्साका अध्यक्ष रामनरेश प्रसाद यादवको अध्यक्षतामा भएको अगुवा कार्यकर्ता भेलालाइ जसपाका राजनीतिक समिति सदस्यहरु हरिनारायण रौनीयार, देवेन्द्र मिश्रा , बालकिशोर यादव ,मोहन चौधरी , केन्द्रिय सदस्य करिमा बेगम , सलमा खातुन ,जिल्ला इन्चार्ज सिंहासन साह कलवार लगायतकाले पनि सम्बोधन गरेको जिल्ला सचिव तबरेज अहमदले जानकारी दिए ।
The post वीरगन्ज आएर उपेन्द्र यादवले भने : हैसियत अनुसार सिट नपाए जसपा एक्लै चुनाव लड्छ appeared first on Madhes Khabar.
