पोखरियामा इलाका प्रशासन र मालपोतको सेवा केन्द्र राख्न माग गर्दै गृहमन्त्री लामिछानेलाई ज्ञापनपत्र

मधेसखबर
वीरगन्ज, ३० पुस : पर्साको पोखरियामा सरकारी कार्यालयका विभिन्न शाखा स्थापनाको माग राख्दै संघीय सरकारका गृहमन्त्री रवि लामिछानेलाई ज्ञापनपत्र बुझाइएको छ ।

पोखरीयामा इलाका प्रशासन कार्यालय, मालपोत कार्यालय र भूमिसूधार कार्यालयको सेवाकेन्द्र स्थापनाको लागि पोखरिया नगरपालिकाका मेयर प्रधुमन प्रसाद चौहान सहितको टोलीले काठमाण्डौमा पुगेर शुक्रबार गृहमन्त्री लामिछानेलाई ज्ञापनपत्र बुझाएको हो ।

पोखरिया र त्यस आसपासका ग्रामीण क्षेत्रका जनता सेवा लिन सदरमुकाम वीरगन्ज धाउनुपर्ने बाध्यता रहेकाले त्यसलाई अन्त्य गर्न सरकारी कार्याालयका सेवा केन्द्र स्थाापनाको मााग राख्दै गृहमन्त्री लामिछानेलाई ज्ञापनपत्र बुझाइएको मेयर चाौहानले बतााए ।
यसका साथै इलाका प्रहरी कार्यालय पोखरियामा प्रहरी नायब उपरिक्षक (डिएसपी) को दरबन्दी राख्न पनि गृहमन्त्री लामिछानेसंग आग्रह गरिएको चौहानले जानकारी दिए । ज्ञापनपत्र बुझ्दै गृहमन्त्री लामिछानेले पोखरियामा सेवा केन्द्र स्थाापनाका लागि आफुले पहल गर्ने आश्वासन दिएको चौहानले बताए ।

ज्ञापनपत्र बुझाउन गएको टोलीमा सांसद प्रभु हजरा , पूर्वसांसद जुनेद अन्सारी, लोसपाका नेता निजामुद्दीन समानी लगायतको पनि सहभागिता थियो ।

The post पोखरियामा इलाका प्रशासन र मालपोतको सेवा केन्द्र राख्न माग गर्दै गृहमन्त्री लामिछानेलाई ज्ञापनपत्र appeared first on Madhes Khabar.