मावि शिक्षकको लिखित परीक्षाको नतिजा सार्वजनिक

मधेसखबर
वीरगन्ज,२७ जेठ : शिक्षक सेवा आयोगले माध्यामिक तह, प्रथम श्रेणी शिक्षक पदको आन्तरिक प्रतियोगितात्मक लिखित परीक्षाको नतिजा सार्वजनिक गरेको छ ।
२०७८ चैत २१ गते लिएको परीक्षाको नतिजा शिक्षक सेवा आयोगले सार्वजनिक गरेको हो ।
शिक्षक सेवा आयोगले जारी गरेको सूचना अनुसार पर्सा , बारा , रौतहट , धनुषा ,पाँचथर, झापा, तेह्रथुम, धनकुटा, मोरङ, सुनसरी, काभ्रे, भक्तपुर, काठमाडौं, ललितपुर र चितवनका ४७ जनाको अन्तर्वार्ता असार २१ गते बिहान ८ बजे हुने छ ।
लमजुङ, कास्की, बाग्लुङ, पर्वत, पाल्पा, गुल्मी, रोल्पा, दाङ, सल्यान, जाजरकोट, दैलेख, सुर्खेत, बझाङ, कैलाली, दार्चुला र डडेलधुराका ४७ जनाको अन्तर्वार्ता भने असार २१ गते दिउँसो १ बजे हुने छ । अन्तर्वार्ता परीक्षा शिक्षा सेवा आयोगको कार्यालय सानोठिमी भक्तपुरमा हुने शिक्षक सेवा आयोगको सूचनामा उल्लेख छ ।

The post मावि शिक्षकको लिखित परीक्षाको नतिजा सार्वजनिक appeared first on Madhes Khabar.